Beyləqan rayonunun Eyvazalılar kənd tam orta ümumtəhsil məktəbində zəhərlənmə şübhəsi ilə 14 şagird xəstəxanaya yerləşdirilib. TƏBİB-dən verilən məlumata görə, xəstəxanaya çatdırılan 7 qız və 7 oğlana ilkin tibbi yardım göstərilib. Hazırda onların müalicəsi davam etdirilir, vəziyyətləri stabil qiymətləndirilir. AQTA hadisəni nəzarətə götürərək araşdırmalara başlayıb. İlkin məlumata əsasən, şagirdlər “Texnologiya” dərsində özlərinin hazırladıqları hamburgeri yedikdən sonra özlərini pis hiss ediblər. Hadisənin səbəbləri araşdırılır.