Normadan artıq yüklənmiş nəqliyyat vasitələri həm yolları sıradan çıxarır, həm də qəza riskini artırır.Baş Dövlət Yol Polisi İdarəsinin nəzarət tədbirləri zamanı “Shacman” markalı yük avtomobilinin faktiki kütləsinin 66 ton olduğu müəyyən edilib. Halbuki həmin nəqliyyat vasitəsi üçün icazə verilən maksimum kütlə 32 tondur. BDYPİ bildirir ki, normadan artıq yüklənmə tormoz məsafəsini uzadır, avtomobilin manevr və dayanıqlığını azaldır, texniki nasazlıq və ağır yol-nəqliyyat hadisəsi riskini artırır.Qurum yükdaşıma fəaliyyəti ilə məşğul olan şəxsləri və sürücüləri çəki normalarına ciddi əməl etməyə çağırıb.