Baş Dövlət Yol Polisi İdarəsi güclü küləklə əlaqədar sürücülərə xəbərdarlıq edib. Polis sürücüləri sürət həddini hava şəraitinə uyğun seçməyə, ara məsafəsini qorumağa, qəfil manevrlərdən və sərt tormozlamadan çəkinməyə çağırıb. Güclü külək xüsusilə körpülərdə, yolötürücülərində və magistral yollarda təhlükəli vəziyyət yarada bilər. Sürücülərə avtomobilləri ağacların, reklam lövhələrinin və elektrik dirəklərinin yaxınlığında saxlamamaq tövsiyə olunub.