Xarici dil fənləri üzrə 2027-ci ildə tətbiqi nəzərdə tutulan imtahan modelində yeni yanaşmanın əsas məqsədi şagirdlərin dil bacarıqlarını daha real, funksional və kommunikativ kontekstdə ölçməkdir.Dövlət İmtahan Mərkəzinin İdarə Heyətinin sədri Məleykə Abbaszadə bildirib ki, yeni yanaşma müəllimlərə də tədris prosesini daha məqsədyönlü qurmağa kömək edəcək və qiymətləndirmə alətləri CEFR standartlarına uyğunlaşdırılıb. Bu arada, Dövlət İmtahan Mərkəzi mayın 3-dən etibarən keçiriləcək imtahanların saat 10:00-da başlayacağını açıqlayıb. İsti hava şəraiti ilə əlaqədar tətbiq edilən dəyişikliklərə görə, iştirakçılar imtahana ən geci saat 09:45-dək gəlməlidirlər.