Azərbaycanın beynəlxalq tibbi turizm indeksi üzrə reytinq cədvəlinə daxil olması hədəflənir. Bu barədə səhiyyə naziri Anar Bayramov Bakıda keçirilən III Beynəlxalq Sağlamlıq Turizmi Konfransında bildirib. Nazirin sözlərinə görə, Azərbaycanın tibbi turizm potensialı araşdırılır. Əldə olunacaq nəticələr və ölkənin müvafiq reytinqi 2026–2027-ci il buraxılışında əks olunacaq. O qeyd edib ki, ölkənin tibbi infrastrukturunun inkişafı və keyfiyyətli tibbi xidmətlərin təşkili Azərbaycanın regional tibbi turizm mərkəzinə çevrilməsinə imkan yarada bilər.