Səhiyyə Nazirliyinin əmrinə əsasən, payız-qış mövsümündə kəskin respirator virus infeksiyalarının və qripin qarşısının alınması məqsədilə ölkə üzrə vaksinasiya tədbirləri həyata keçirilir. TƏBİB-in məlumatına görə, oktyabrın 8-dən noyabrın 2-dək ümumilikdə 16 min 562 nəfər qrip əleyhinə peyvənd olunub. Peyvənd könüllülük əsasında aparılır, vətəndaşlar yaşadıqları rayon mərkəzi xəstəxanalarına müraciət edə bilərlər.