Kənd Təsərrüfatı Nazirliyi bildirib ki, Azərbaycanda birillik əkin aparan fermerlər üçün yeni güzəştli maliyyələşdirmə mexanizmi tətbiq olunacaq.Yeni qaydalara əsasən, əkin məqsədilə götürülən kreditlərin illik faiz dərəcəsinin 19 %-ə qədər olan hissəsi dövlət büdcəsi hesabına qarşılanacaq. Fermerlər isə kredit müddətinin sonunda yalnız əsas borcu ödəyəcəklər.Fermerlər bunun üçün bank və bank olmayan kredit təşkilatlarına müraciət edə bilərlər. Yeni mexanizm Prezident İlham Əliyevin 5 mart 2026-cı il tarixli fərmanına uyğun olaraq tətbiq edilir.