Payız-qış mövsümündə qrip və kəskin respirator virus infeksiyalarının yayılma ehtimalı artır. Səhiyyə Nazirliyi 6 aylıqdan yuxarı şəxslər üçün “Sanofi Pasteur” qrip peyvəndlərini ölkəyə gətirib. Oktyabrın 8-dən etibarən vaksinasiya kampaniyasına start verilir. Xüsusilə səhiyyə işçiləri, hamilə qadınlar və xroniki tənəffüs xəstəlikləri olan şəxslərin peyvənd olunması tövsiyə olunur. Peyvənd ödənişsizdir və dövlət tibb müəssisələrində aparılır.