Nazirlər Kabinetinin qərarına əsasən, mayın 25-i saat 00:00-dan dəmiryolu nəqliyyatı vasitəsilə Azərbaycan vətəndaşlarının və Azərbaycana vizasız gəlmə hüququ olan bütün xarici ölkə vətəndaşlarının Azərbaycanla Gürcüstan arasında giriş-çıxışına icazə veriləcək. Bakı-Tbilisi qatarı hər gün saat 23:10-da Bakıdan yola düşərək səhər Tbilisiyə çatacaq. Tbilisidən Bakıya qatar isə axşam saat 21:00-da hərəkət edəcək. Gedişhaqqı isə Bakıdan Tbilisiyə minimum 81 AZN, Yevlaxdan 67 AZN, Gəncədən 62 AZN, Ağstafadan isə 57 AZN-dir. Böyük Kəsikdən Qardabani stansiyasına isə 51 AZN təşkil edir.