Ombudsmanların Beynəlxalq Bakı Sammiti çərçivəsində Azərbaycanın İnsan Hüquqları üzrə Müvəkkili Səbinə Əliyeva ilə Bosniya və Herseqovina ombudsmanları arasında Anlaşma Memorandumu imzalanıb. Memorandum insan hüquq və azadlıqlarının müdafiəsi sahəsində təcrübə və informasiya mübadiləsinin aparılması, institusional əməkdaşlığın gücləndirilməsi və birgə maarifləndirmə fəaliyyətinin həyata keçirilməsini nəzərdə tutur. Səbinə Əliyeva bildirib ki, sənəd iki ölkənin ombudsman təsisatları arasında əməkdaşlığın genişlənməsinə və insan hüquqlarının daha səmərəli müdafiəsinə töhfə verəcək.