Azərbaycanda ASAN Süni İntellekt platforması – ASAN AI Hub istifadəyə verilib. Platformanın əsas məqsədi dövlət qurumları, özəl sektor, startaplar və elmi-tədqiqat mərkəzləri arasında koordinasiya və innovasiya mübadiləsini gücləndirməkdir. Dövlət Agentliyinin sədri Ülvi Mehdiyev bildirib ki, qurumlar öz problemlərini platformada elan edəcək, innovatorlar isə həmin çağırışlara uyğun süni intellekt əsaslı həllər təklif edəcəklər. Yeni sistemin ölkə iqtisadiyyatına, elmə və dövlət idarəçiliyinə müsbət təsir göstərəcəyi gözlənilir.