“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” bir sıra peşə təhsil mərkəzlərinin tikintisi və yenidən qurulması nəzərdə tutulub. Bu barədə Peşə Təhsili üzrə Dövlət Agentliyinin Peşə təhsilinin keyfiyyətinə nəzarət şöbəsinin müdiri Kənan Həsənli məlumat verib. O bildirib ki, 2026-cı ildə Xankəndi, Laçın və Cəbrayıl Dövlət Peşə Təhsil Mərkəzlərinin tikintisi planlaşdırılır. Bu il Şuşa Dövlət Peşə Təhsil Mərkəzinin əsaslı təmiri tamamlanıb, Kəlbəcərdə yeni peşə təhsil mərkəzinin inşası isə davam edir. Bundan əlavə, Zəngilan, Qubadlı və Ağdam Dövlət Peşə Təhsil Mərkəzləri üzrə layihələndirmə işləri də həyata keçirilir.