ABŞ Prezidenti Donald Tramp İran üzərində tezliklə qələbə qazanacaqlarını bildirib. O, İranın nüvə silahı əldə etməsinin qarşısının alınmasının vacibliyini vurğulayıb. Tramp ABŞ-nin İrana qarşı hərbi əməliyyatları uğurla davam etdirdiyini və Hörmüz boğazına nəzarət etdiyini deyib. Vitse-prezident Cey Di Vens isə Tehran ticarət gəmilərinə hücumları dayandırmayana qədər ABŞ-nin danışıqlara qayıtmayacağını bildirib. ABŞ İrana təzyiq üçün bütün mümkün vasitələri nəzərdən keçirir. Vens İranda toy mərasiminə zərbə endirilməsi ilə bağlı məlumatların da araşdırıldığını bildirib. O, İran tərəfinin yaydığı məlumatların doğruluğuna şübhə etdiklərini deyib. Vens vurğulayıb ki, ABŞ dinc sakinləri qəsdən hədəfə almır. İran isə Sirikdə toy mərasiminə edilən hücum nəticəsində 5 nəfərin öldüyünü açıqlayıb.