Ağdamda 300 hektarlıq istixana layihəsinin həyata keçirilməsi nəzərdə tutulur. Kənd təsərrüfatı naziri Məcnun Məmmədov bildirib ki, Qarabağ və Şərqi Zəngəzurda bağçılıq, su infrastrukturu və müasir suvarma sistemlərinin inkişafı ilə bağlı layihələr həyata keçiriləcək.Nazirin sözlərinə görə, layihədə özəl sektor investisiya yatıracaq, kommunikasiya, elektrik və qaz xətləri dövlət tərəfindən çəkiləcək. Məqsəd aqrar istehsalla yanaşı, emal sənayesinin də inkişaf etdirilməsidir.M.Məmmədov həmçinin kənd təsərrüfatında dron və süni intellektdən istifadənin genişləndiriləcəyini bildirib. İndiyədək keçirilən 99 Aqrar Biznes Festivalında 85 mindən çox fermer iştirak edib, 16 milyon manatdan çox satış həyata keçirilib. Aqrar sahədə kreditlərə faiz subsidiyalarının tətbiqi də nəzərdə tutulur.