30 il əvvəl törədilmiş qətl hadisəsinin üstü açılıb.Baş Prokurorluq və Daxili İşlər Nazirliyinin yaydığı məlumata görə, 1996-cı ildə Bakıda taksi fəaliyyəti ilə məşğul olan Gülməmməd Bayramov quldurluq məqsədilə qətlə yetirilib. Cinayəti törətməkdə şübhəli bilinən Cəlilov Şahin Mahmud oğlu və Qafarov Hidayət Şirzad oğlu zərərçəkmişi avtomobildə boğaraq öldürüb, meyiti gizlədib, avtomobili isə hissələrə ayıraraq satıblar.Keçirilmiş istintaq və axtarış tədbirləri nəticəsində meyitin qalıqları aşkar olunub.Şübhəli şəxslər həbs edilib, faktla bağlı istintaq davam etdirilir.