Yanvarın 10-da Şəki rayonunun İnçə kəndi ərazisində 1960-cı il təvəllüdlü Səttar Nəbiyevlə 26 yaşlı Hüseyn İsmayılov arasında şəxsi münasibətlər zəminində mübahisə olub. Mübahisə zamanı 26 yaşlı H.İsmayılov S.Nəbiyevin üz nahiyəsinə əli ilə vuraraq xəsarət yetirib. Xəsarət alan şəxs H.İsmayılovun atası tərəfindən evinə aparılarkən yolda avtomobildən düşərək və bir qədər getdikdən sonra yıxılaraq növbəti dəfə xəsarət alıb. Xəstəxanaya yerləşdirilən S.Nəbiyev bu gün aldığı xəsarətlərdən orada ölüb. Hüseyn İsmayılov isə polis tərəfindən şübhəli şəxs qismində saxlanılıb.
Faktla bağlı araşdırmalar davam etdirilir.