Ölkədə ağır yol qəzaları baş verdi , Göygöldə iki yeniyetmə öldü

Göygöldə "Mercedes"in idarəetmədən çıxaraq aşması nəticəsində rayonun Qızılca kənd sakinləri - 2008 və 2009-cu il təvəllüdlü iki yeniyetmə xəsarət alıb. Qəza zamanı ağır xəsarət alan daha iki nəfər - 2009-cu il təvəllüdlü və həmyaşıdı hadisə yerində ölüblər.

Sumqayıtda "Toyota Camry" idarəetmədən çıxaraq Samur-Abşeron kanalına düşüb. Hadisə nəticəsində xəsarət alanların olduğu bildirilir.

Bakı-Qazax əsas magistral yolunun rayonun Kürdəmirdən keçən hissəsində mikroavtobus Bakı istiqamətində hərəkətdə olarkən qarşısına çıxan 10 baş qoyunu vurub. Təsərrüfat sahibinə 8 min manata yaxın maddi ziyan dəyib.

İsmayıllının Buynuz kəndində Vüsal Rubilzadənin idarə etdiyi "Kia" və Zeynəddin Əliyevin idarə etdiyi "VAZ-2106" toqquşub. "VAZ"da olan sərnişin, 74 yaşlı Gülyaz Əliyeva aldığı xəsarətlərdən xəstəxanada ölüb.

Faktlarla bağlı araşdırmalar aparılır.

url:

http://kepezfm.az/xeberler/%C3%B6lk%C9%99d%C9%99-a%C4%9F%C4%B1r-yol-q%C9%99zalar%C4%B1-ba%C5%9F-verdi-g%C3%B6yg%C3%B6ld%C9%99-iki-yeniyetm%C9%99-%C3%B6ld%C3%BC