Bakıda Vəliyev Mahir Bilal oğlunun idarə etdiyi "Toyota Prius" markalı avtomobil idarəetməni itirərək beton maneəyə çırpılıb.Hadisə zamanı sürücü dünyasını dəyişib. Avtomobildə olan sərnişin 35 yaşlı Fəridə Bədəlova xəsarət alıb.
Masallıda 31 yaşlı Rusif Babayev, idarə etdiyi "Mercedes" markalı avtomobillə hərəkətdə olarkən, Cəlilabad sakini Nikbin Feyzullayevin idarə etdiyi digər "Mercedes" markalı avtomobillə toqquşub.Toqquşmanın təsirindən Rusif Babayevin idarə etdiyi avtomobil yoldan çıxaraq əvvəlcə beton elektrik dirəyinə, daha sonra isə ağaca çırpılıb. Qəza nəticəsində sürücü Rusif Babayev və 34 yaşlı Araz Telman oğlu Məmmədzadə ölüb, sərnişinlər- 33 yaşlı Pərvin Əliniyaz oğlu Həsənov və 23 yaşlı Fərid Fərahim oğlu Qasımov xəsarət alıb.Faktlarla bağlı araşdırma aparılır.